Ölkə haqqında məlumat

Azərbaycan Qara dənizdən Xəzər dənizinə kimi 800 km məsafədə uzanan Qafqazın cənub-şərq hissəsində yerləşir. Avropa və Asiyanın kəsişməsində yerləşən Azərbaycan tranzit baxımından böyük potensiala malikdir və inkişaf etmiş yol infrastrukturu bu potensialı daha da artırır. Bölgənin logistik mərkəzi kimi, Azərbaycan dünya ölkələri ilə iqtisadi və mədəni əlaqələrdə mühüm rol oynayır.

Neft və qaz sektoru 2020-ci ildə Azərbaycanın ümumi ixracında 86,5% paya sahib olmaqla, ölkə iqtisadiyatının əsasını təşkil edir.¹ Hal-hazırda iqtisadiyyatın diversifikasiyası və ixrac potensialının artırılması hökumətin əsas məqsədləridir. Buna baxmayaraq, koronavirus pandemiyasının nəticəsi olaraq, qeyri-neft sektoru üzrə ixrac 2019-cu ilə nəzərən 2020-ci ildə 8% azalıb.²

Aİ Azərbaycanın ümumi ixracında 49,5% paya və ümumi idxalında 23,6% paya sahib olmaqla (2020), Azərbaycanın ən böyük ticarət tərəfdaşıdır. Almaniya Azərbaycanın ümumi ticarət dövriyyəsində 4,9% paya sahib olmaqla, Azərbaycanın ümumi ticarət tərəfdaşları arasında 5-ci yeri tutur (2020-ci il).³